Omaggio al mio Paese!

U' PAISE MIU

Sta 'ncavarcatu subba 'nu cristune

cumu 'nu viakkju subba 'na sumera

'stu paisiallu dduve sugnu natu

tant'anni arrieri

Arentu si chiamave 'ntiampi antichi

mò, cumu Vucchiglieri è ccanusciutu.

E pini e cerze e dde castagne antiche

ha 'nna curuna.

Cca 'nta 'nu campusantu pittirillu,

guardati e 'nu cipressu giuvaniallu,

dduv'u cardillu cante e ffa lu nidu,

dormanu i miji.

'A gghiazza, ch'è 'ntru 'mmienzu e du

paise è cumu 'nu salottu 'ntra na casa

dduve si parre e stanu sempre 'nzema

picculi e ranni.

Cca si vide ll'amicu ccu ll'amicu.

cca si parre dde caccia e dde pallone,

cca si fanu cuntratti e ssi cunkjiude

e cca... Si campe


Tratta da "Liriche in Vernacolo Calabrese
 di E. Benincasa  Ed. Luigi Pellegrini 1981